شوية نصايح لكل اخواتي الشباب وهما بيشتروا لبس الشتاء السنادي علشان نتفادي الحاجات اللي بنشوفها بعد ما نشتري زي عيوب التقفيل والوبرة والطباعة تقشر وغيرة أولا علشان تلاقي سويتشيرت نضيف هتركز اول حاجة في الخامة ودي متوفر منها انواع اول نوع معانا وهو البلوش وده له مسميات كتير بس كلها حاجة واحدة وهي البوليستر وده سعرة بيكون تحت 150 جنية وممكن يوصل ل اقل من 100 كمان بس بعد اول لبسه هتنساه وممكن يوبر وهو بيتقفل اصلا فيبان عليه وانت بتشتريه تاني حاجة معانا وهو القطن الصافي اللي بيكون 100% قطن ده سعر مش هيكون اقل من 400 جنية معاك لحد 500 وممكن اكتر بيختلف معاك في التقفيل ووزن القطعة والمكان اللي بتشتري منه بين القطن والبلوش في خامات كتير دي بقي بتكون خط بين الاتنين في ناس ممكن تخط القطن مع البوليستر بنسبة 50% ل 50% معاك لحد نسبة 90% قطن ل 10% بوليستر والاسعار هنا بتختلف بختلاف نسبة الخلط والتقفيل والوزن وده المشهور والاكثر انتشاراً في المحلات وسعره بيتراوح بين 280 ل 400 ف كده ممكن تعرف الخامة اللي هتشتريها بالسعر لان مش ممكن واحد هيجيب حاجة جملة ب 90 جنية ويبيعلك ب 500 على اساس انها قطن طلاما بيبيع بالسعر ده ف القطعة واقفه عليه في الجملة ب 400 اقل حاجة اما بقي لو عايز تطمن بنفسك وتعرف الخامة لما تمسكها وتشوفها عندك اول حاجة اللون القطن بيكون لونه هادي ومطفي عن البوليستر اللي بيكون لونه فاقع جدا وبيسنور الملمس القطن بيكون ملمسه انعم من البولستر ومفيش اي شعيرات في القطعة عكس البولستر لو ركزت فيه هتلاقي شعيرات صغيرة ودي بداية الوبرة عندك برضو التقفيل والفينش وده هتعرف تميزه بنفسك من غير حاجة عندك برضو الطباعة ودي بتختلف بس لو الطباعة على قطن بيكون نسبة انها تقشر اقل من الطباعة على بوليستر عندك بقي الخامات الوسط دي بيكون الوش قطن واللعب كله في الضهر ف لو انت مهتم بالمظهر الخارجي وعايز حاجة اهدي في السعر بتلجئ للنوع ده بيكون سعرها هادي شوية بس كده يارب تكون استفدت